کلیپ تصویری نزار قطری: آنا أم البنين (+ متن)

آنا أم البنين الفاقدة أربع شباب 

فدوة لتراب الحسين

ساعة الغادر ظعنكم للطفوف و دمعي يجري

ساهرة و قلبي يتاني و ما أظن بالسفرة يدري

أربع من أولادي طلعوا روحي ويه الطلعة تسري

نزلوا بوادي المنية و خطفت الأيام عمري

أنطر دروب السفر

ما حصل عنهم خبر

قلبي عالي ونته 

على حسين و غربته

آنا أم البنين الفاقدة أربع شباب 

فدوة لتراب الحسين

صرت كل لحظة أناشد و الدمع على الوجنة ساجم

روحي تتلاهب حزنها عالظعينة و عالفِواطم

ما دريت إشيجري بيهم من كلفهم قمرهاشم

بس أريد حسين ابني و ضنوتي يرجع لي سالم

خلص صبري من المحن

ضعت بهموم الزمن

مهدم ركني و طيحته

على حسين و غربته

آنا أم البنين الفاقدة أربع شباب 

فدوة لتراب الحسين

سافر الحادي بظعنكم و خذ من عيني نظرها

فاطمة المعلولة تنشد عالسفر محد خبرها

و آنا وياها بفقدكم روحي مستعرة جمرها

هي عن عبد الله تسأل عن أبوها و عن قمرها

و آنا أنشد عالولي

حزني ما اظن ينجلي

بيه تسعر جمرته

على حسين و غربته

آنا أم البنين الفاقدة أربع شباب 

فدوة لتراب الحسين

يا اللي روح الزهرة روحك و العلي يحسين عينك

يا بدر أحبابي و أهلي قلبي لفراقك ونينه

داري وحشة من غيابك يمته ترجع للمدينة

تنظرعيوني أملها عود بضعنه و بنينه

أربع ليوث العرين

قلبي مصيوب و حزين

قلبي شاجر لوعته

على حسين و غربته

آنا أم البنين الفاقدة أربع شباب 

فدوة لتراب الحسين

دنيتي خيبت ظنوني و الحزن هدم كياني

دهري بغياب النشامي و ولدي جم رميه رماني

لجن المقدر أحمله فقد أبو اليمة جواني

عيني لأرض الطف ربية و المصاب اللي عماني

عشت بهموم و نحيب

على أبو اليمة الغريب

و انتحب لمصيبته

على حسين و غربته

آنا أم البنين الفاقدة أربع شباب 

فدوة لتراب الحسين